Salamat sa ARAW Contingent

Noong nakaraang taon ay marami ang napinsala ng bagyong Yolanda. Marami ang nawalan ng mahal sa buhay, hindi lang ari-arian. At dahil dito, maraming kababayan ang tumulong. Mayaman at mahirap ay nag-ambag-ambag para sa pangangailangan ng mga kababayan. Hindi lang mga Pilipino ang tumulong sa kapwa Pilipino ~ dahil nakita ng buong mundo kung gaano napinsala ni bagyong Yolanda ang Tacloban, mga bayan sa Leyte, Cebu, Iloilo at iba pa.
Isa na ang bansang Korea sa mga nagbigay ng agarang panlunas. Maraming Koreano dito mismo ang nag-ambag-ambag. May mga bata na nagbigay ng barya sa alkansiya at mga korporasyon na nagbigay ng tulong pinansiyal at nagpadala ng mga tao nila mismo.
Noong nakaraang taon, agad ipinanukala ni Jasmine Lee na patuloy na tulungan ng bansang Korea ang Pilipinas para sa rehabilitasyon ~ kagaya ng ginawa nila sa bansang Haiti noong napinsala ito ng lindol. Hindi na nagdalawang-isip ang mga kongresista sa Korea na pirmahan at gawing batas ang panukala. Hindi na rin inisip ng Jasmine Lee na baka may tumutol ~ ngunit dahil sa likas na matulungin ang mga Koreano ay sinuportahan din ito ng mga mamamayan. Dahil sa batas na ito ay nagpadala ng mga sundalo ang Korea at tinawag silang ~ ARAW Contingent. Mag-iisang taon na ang ARAW Contingent sa Pilipinas at marami na silang nagawa ~ mula sa pagkukumpuni ng mga bahay at paaralan hangang sa pagbibigay pugay sa mga Pilipinong sundalo na tumulong noong may giyera sa Korea.
Maraming salamat kay Jasmine Lee, sa mga kongresista ng Korea, sa mga mamamayan ng Korea at sa ARAW Contingent. Nakakatuwa na makita ang dalawang bansa na malapit sa puso ko na nagtutulungan.
Panoorin ninyo po sana ang video na ‘to…